Azaab-e-deed mein aankhen lahoo lahoo kr k,
Men sharm'saar hoa teri justjoo kr k..
Suna hai shehr men zakhmi dilon ka mela ha,
Chalen ge hum bhi magar perahan rafoo kr k..
Musafat-e-shab-e-hijraan k ba'ad bhed khula,
Hawa dukhi ha charaaghon ki aabroo kr k..
Ye kisne hum se lahoo ka khiraaj phir manga?
Abhi to soye the maqtal ko surkhuroo kr k..
Ujaar rut ko gulaabi banaae rakhti ha,
Hamaari aankh teri deed se wuzoo kr k..
